نكته لذيذه

واحد واقف أمام محل عصير ومعهوش غير 25قرش قال اشرب عصير ولا اركب
الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت
هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو
وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها
مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.
#####
مرة واحد بيموت جمع أولاده كلهم علشان يوصيهم فنادي علي أكبرهم وقال له
:- أمسك عود الحطب ده وأكسره ، الولد مسكه كسره ، قاله أمسك عشر وأكسرهم ،
مسكهم كسرهم ، الأب :- أمسك 100 عود وأكسره ، الولد مسكهم وكسرهم ، فرد
الأب وهو ينظر لأولاده الأخرين : طول مامعاكم البغل ده مايتخفش عليكم
#####
صعيدي سافر بره واتعلم الفلسفة ولما رجع البلد حب يتفلسف علي الصعايدة التانين ، فقال صاحبه فقاله
الفيلسوف : أنا بقيت فيلسوف كبير
صاحبه : طب متعلممني أيه هي الفلسفة
الفيلسوف : عندكم كلب ؟؟
صاحبه : آه
الفيلسوف : يبقي أكيد عندكم بيت للكلب
صاحبه : آه
الفيلسوف : يبقي أكيد عنكم جنينة
صاحبه : أه
الفيلسوف : يبقي أكيد عندكم فيلا
صاحبه : أيوه
الفيلسوف : يبقي أكيد أبوك غني
صاحبه : أيوه
الفيلسوف : وطالما أبوك غني يبقي أمك مش رقاصة
صاحبه عجبته حكاية الفلسفة دي قوي ، قام رايح لصعيدي تاني وقاله انا فيلسوف الصعيدي التاني قاله طب علمني الفلسفة
صاحبنا : عندكم كلب
الصعيدي التاني : لا
صاحبنا : تبقي أمك رقاصة
#####
نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع
ده اول يوم ما شفتش حاجة... تاني يوم بدأ يعمل الاكل تالت يوم غدانى
وعشانى بره
الزوجة المصرية: انا قلت لابو العيال انا مش هعمل حاجة في
البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم
ابتديت أشوف شوية بعيني الشمال
#####
واحد راح لشيخ وقاله هو ينفع اصلي جماعه خلف الامام في التليفزيون . قاله ما تحط ملايه سوده على التلاجه وتحج بالمره
#####
استضافوا واحد صعيدي في برنامج الكاميرا في الملعب سألوه بتشجع مين قالهم المقاولين
العرب قالوله بتحب مين في المقاولين العرب قالهم الجماعة بتوع المحارة .
#####

صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه
#####
واحد اهبل مراته ولدت بعد شهر من الجواز سألوه ازاي ؟؟؟؟؟؟ قال يانهار اسود على الحسد ياناس
#####
مرة واحد اتخانق مع ابوة فسبلة البيت ومشى ابوة قالة رايح فين مردش علية وقام
موقف تاكسى وركب السواق قالة على فين قالة ازا كان مقلتش لابويا هقولك انت
#####
مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش
######
واحد قال لخطبتة لما ازمرلك تبقي انزلي قالتله انت جبت عربية قال لها
لا جبت زمارة ،،،
#####
زوجه خوافه قوى كل يوم وهيه نايمة جنب جوزها تقولهاالحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت ،،،
#####
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله مميزات الحمام فقال:
ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه
######