حُرقة وألم ..

لو من زمان طلّت علي
كان ودّع إحساسي الألم
لكن أبت ما تحن لي .. وانا حِنّها
*** *** ***
لاقيتا بيني وبين غُناي
تاوقتها ..ودستني مني ومنها
خوف الوجع جواي أكيد .. ما بهمها
*** *** ***
إشتقت ليها وما براى
إشتاق معاي باقي الكلام
لكنِّو خايف ينكتب .. من دمَّها
*** *** ***
وانا برضي ما خلِّيت دموع
بى حُرقة بكَّتني العيون ومسحتها
لكن أبت زي ما هي ما بية .. وسِبتها
*** *** ***
وانا عني في الخاطر بقول
يا ريت يصادفني الامل باقي العمر
تسمعني وأسمع .. منها